Elaboración do aceite de oliva virxe extra ecolóxico artesanal, naturalmente

  • Recepción das olivas recollidas da árbore e transportadas en caixas para que non se danen; a continuación fanse pasar pola liña de lavado para quitarlles as impurezas ocasionais.
  • Despois as olivas pésanse e lévanse ós silos de almacenamento para a súa posterior trituración coas pedras de granito.
Recepción de olivas
Cinta de recepción oliva
Vista xeral do muíño
Vista xeral do muíño
  • No interior da casa de Oliflix está o corazón da nosa artesanía, o muíño de pedras de granito, principio básico na elaboración do aceite virxe extra de máxima calidade.
  • O muíño componse de tres grandes pedras troncocónicas que xiran a unha velocidade de trece voltas por minuto.
  • Unha vez esmagadas as olivas deposítase a pasta no batedor para preparalas para o prensado.
  • Realízase todo o proceso en frío.
Pedras de granito do muíño
Pedras de granito do muíño
masa de olivas
A masa das olivas esmagadas repártese uniformemente
  • A masa da oliva esmagada repártese sobre as seiras para favorecer un prensado uniforme.
  • Cando deamos acadado a altura máxima de superposición das seiras e da masa das olivas, é o momento de introducilo na prensa hidráulica.
  • Este é o paso final da superposición das seiras coa masa das olivas trituradas.
  • Da prensada resultará o zume da oliva, o aceite de oliva virxe extra.
Aceite obtido artesanalmente
Aceite obtido artesanalmente
Pías para a decantación artesanal do aceite
Pías para a decantación artesanal do aceite
Prensa hidráulica - ano 1941
Prensa hidráulica - ano 1941
  • Nestas pías e/ou balsas de decantación canalízase o mosto oleoso resultante da prensada.
  • • Este líquido está composto pola auga vexetal da propia oliva (alpechín) e mais polo aceite. A separación dos líquidos é debida ás súas diferentes densidades:
    - Aceite 0,916 / Alpechín 1,052 – Como resultado, temos que o aceite pesa menos que a auga e aboia. E a auga totalmente ó revés, pois queda no fondo.
  • Este é o resultado final de todo o proceso de elaboración do noso aceite.
  • Gocen desta bela artesanía milenaria nos seus fogares, gocen do aceite de oliva virxe extra ecolóxico Oliflix artesán, naturalmente.

  • Experimento: precisaremos ½ vaso de auga e un pouco de aceite. No vaso de auga botamos un pouco de aceite, o suficiente para que cubra toda a superficie. Cunha culler pequena intentaremos mesturar os dous líquidos remexendo ata non poder máis. Unha vez feita a mestura, deixemos repousar e observaremos como o aceite e a auga se separan perfectamente un do outro.
 Aceite de oliva virxe extra recentemente elaborado en repous
Aceite de oliva virxe extra recentemente elaborado en repouso
Decantación natural do aceite
Decantación natural do aceite
Nota: toda a enerxía eléctrica utilizada no muíño e en toda a elaboración do aceite está certificada como enerxía renovable.